ძალიან სამწუხარო ამბავია ახალგაზრდა ბიჭის, ლექსო ლაშქარავას გარდაცვალება. კიდევ ერთხელ თანავუგრძნობ გარდაცვლილის ოჯახს, ნათესავებსა და კოლეგებს. საზოგადოება ხედავს, რომ შინაგან საქმეთა სამინისტრო საკუთარი კომპეტენციის ფარგლებში ყველაფერს აკეთებს იმისათვის, რომ ლექსო ლაშქარავას გარდაცვალების ფაქტზე დროული და ეფექტური გამოძიების პირობებში კითხვა – რა მოუვიდა ახალგაზრდა მამაკაცს – პასუხგაუცემელი არ დარჩეს, – ამის შესახებ საჯარო მმართველობის დოქტორი, თამთა მეგრელიშვილი სოციალურ ქსელში წერს.
მისი თქმით, წითელი ზღვარის გადალახვაა ის, რომ პოლიტიკურ პარტიებად ქცეული ტელევიზიები პირდაპირ ეთერში აჩვენებენ სამძიმარს.
„ამ დროს კი უკვე პოლიტიკურ პარტიებად ქცეული ტელევიზიები პირდაპირ ეთერში აჩვენებთ სამძიმარს. ეს არის წითელი ზღვარის გადალახვა და წარმოუდგენელი ბოროტება. მძიმე კადრებით ითამაშოთ ისედაც დასტრესილ მაყურებელზე და საზოგადოებაში გაზარდოთ უარყოფითი მუხტი. ნუთუ ადამიანის სიკვდილი პოლიტიკურ მიზანთან უკვე აღარაფერია?! როგორ არ გრცხვენიათ? როგორც ჩანს, ბოლომდე გაიწყვიტეთ შუბლის ძარღვი. სირცხვილია, სირცხვილია და ალბათ უფრო მეტია…“, – წერს თამთა მეგრელიშვილი “Facebook”-ის გვერდზე.