ჟურნალისტი ნათია ბერიძე, სოციალურ ქსელში ნაციონალური მოძრაობის წევრს ლაშა აბურჯანიას მიერ, ,,ქართული ოცნების’’ კანდიდატებისთვის მიწერილ პირადი სახის მოკლე ტექსტური შეტყობინების ამსახველ ფოტოებს აქვეყნებს და წერს, რომ დამარცხებული პარტიის წევრმა, გადაწყვიტა ადამიანური გრძნობებით თამაში და ოცნების კანდიდატებს, ბავშვის ავადმყოფობის გამო სხვადასხვა რაოდენობის თანხას სთხოვს.
ჟურნალისტის განცხადებით, აბურჯანია ქართული ოცნების კანდიდატებისთვის ამ გზით პროვოკაციის მოწყობას ცდილობს.
,,მოკლედ ასეთი ამბებია
Lasha Aburjania ნაციონალური მოძრაობის წევრი და რუსთაველზე, კარავში დაბანაკებული აქტივისტია, საკმაოდ გამორჩეული უტაქტობით. რამდენიმე დღეა უწყვეტ რეჟიმში “ქართული ოცნების” მაჟორიტარობის კანდიდატებს, თბილისსა თუ რეგიონებში სწერს ამ ტექსტებს. აღმოჩნდა, რომ მე მყავს ეს ბიჭი მეგობრებში . ამიტომ რამდენიმე მეგობარმა მკითხა, მართლა სჭირდებოდა თუ არა დახმარება ლაშას შვილს, რამაც დამაეჭვა და გავარკვიე, რომ ყველას სათითაოდ სწერს.
როგორც ჩანს , ამ უსუსურმა და უნიათო, უკვე დამარცხებულმა პარტიამ გადაწყვიტა ადამიანურ გრძნობებზე თამაში(როგორც სჩვევიათ) და ბავშვის ავადმყოფობის მიზეზით, თანხას ითხოვს, თან ყველას დაახლოებით ერთსა და იმავეს ეუბნება, ოღონდ სხვადასხვა ადამიანს სხვადასხვა თანხას სთხოვს და თანაპარტიელებს რაიონების მიხედვით მოჩვენებითად აგინებს.
სამწუხაროა, რომ ყველა მეთოდს იყენებენ იმისთვის, რომ ხვალ პროვოკაცია მოაწყონ.
მიზანი სავარაუდოდ ერთია, რომელიმეს ფულის ხელზე მიცემის დაპირება გამოსტუონ და მერე ეს ამბავი ამომრჩევლის მოსყიდვის ფაქტად მონათლონ.
საბედნიეროდ, ქართული ოცნება / Georgian Dream კანდიდატთა შორის ყველა ერთმანეთზე ღირსეული და პატიოსანია, შესაბამისად უანგაროდ, კანონის ფარგლებში სთავაზობენ დახმარებას.
რაც რა თქმა უნდა მომენტალურად ლაშა აბურჯანიას უკმაყოფილებას იწვევს, ტექსტშიც ნათლად ჩანს – ” რა გამგეობა რის გამგეობა” და “მუქარის” სახით სასხვათაშორისოდ ამბობს: თქვენ თუ არა, თქვენს ყოფილ პრემიერს მივმართავ და იმას მივცემ ინფორმაციას-ო გახარია გიმიზნებენ:))
ვწუხვარ, რომ დღეს, 21-ე საუკუნეში, ოპოზიციური პარტია ცდილობს მოსახლეობის მოტყუებას პოლიტიკური დივიდენდების მოსაპოვებლად.
Dato Kirkitadze გიორგი ბოტკოველი / Giorgi Botkoveli Helen Khoshtaria ერთიანი ნაციონალური მოძრაობა • United National Movement კობა ნაყოფია Koba Nakopia
სირცხვილი თქვენ! სირცხვილი თუ ეს ფაქტი რეალურია და ამ ადამიანს შვილის სამკურნალოდ ასე მცირე თანხით არ დაეხმარეთ. სირცხვილი თქვენ, რომ ამდენი თვე კარავში აყურყუტეთ კაცი და 500 ლარს წამლის საყიდლად არ აძლევთ. ეს კიდევ ერთხელ მეტყველებს იმაზე, რომ ყველას, მათ შორის თქვენს ერთგულ გოშიებსაც თვალის დახამხამებაში გაწირავთ. ადამიანები, მათი შვილები, თქვენთვის მხოლოდ პოლიტიკური პაიკები არიან.
“ქართული ოცნება” კი საბედნიეროდ, ყველას შეძლებისდაგვარად, ყოველგვარი პოლიტიკური ნიშნის მიუხედავად ეხმარება კანონის ფარგლებში. მითუმეტეს საქმე როდესაც ბავშვებს ეხებათ, აქ არც პარტიას, არც რელიგიას და არც სხვა რაიმეს აქვს მნიშვნელობა.(ზოგადად არც სხვა შემთხვევებში)
უფალმა ყველას შვილები კარგად გიმყოფოთ.
რა თქმა უნდა თუ ლაშას შვილი დახმარებას საჭიროებს, იმ რაიონის გამგეობა რომელშიც ჩაწერილია უანგაროდ დაეხმარება ეჭვი არ მეპარება.
საინტერესოა ხვალ რას მოიფიქრებთ.
“არა არს დაფარული რომელი არა გაცხადდეს”-მითუმეტეს ჩემთვის.’’ წერს საკუთარ facebook გვერდზე ჟურნალისტი ნათია ბერიძე.