სომხეთის პრემიერ-მინისტრმა, ნიკოლ ფაშიანიანმა საქართველოს მთავრობის მეთაურს, ირაკლი ღარიბაშვილს ბათუმში მომხდარი უბედური შემთხვევის გამო მიუსამძიმრა.
„ბატონო პრემიერ-მინისტრო, ღრმა მწუხარებას გამოვთქვამ ბათუმში მომხდარ ტრაგიკულ მოვლენასთან დაკავშირებით, რასაც ადამიანების გარდაცვალება მოჰყვა. გთხოვთ გადასცეთ დაღუპულთა ოჯახებსა და ახლობლებს ჩემი სამძიმარი. დაშავებულებს სწრაფ გამოჯანმრთელებას ვუსურვებ“, – ნათქვამია ფაშინიანის მიმართვაში.
ბათუმში, 26 მაისის ქუჩაზე, სადაც საცხოვრებელი კორპუსის სადარბაზო ჩამოინგრა, სამძებრო-სამაშველო ღონისძიებები გრძელდება. სადარბაზო 8 ოქტომბერს, დაახლოებით, 12:00 საათზე ჩამოინგრა. საძიებო-სამაშველო ოპერაციაში ასობით მაშველია ჩართული.
კომენტარები