ფინანსთა სამინისტროს შემოსავლების სამსახურის მებაჟე ოფიცრებმა, შინაგან საქმეთა სამინისტროს თანამშრომლებთან ერთად ჩატარებული ღონისძიების შედეგად „თბილისის საერთაშორისო აეროპორტში, განსაკუთრებით დიდი ოდენობით ნარკოტიკული ნივთიერება „კოკაინის“ უკანონოდ შემოტანის ფაქტი აღკვეთეს, – ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.
მათივე ინფორმაციით, თურქეთის მოქალაქის კუთვნილი ბარგის ეჭვის საფუძველზე შემოწმების შედეგად, სამგზავრო ჩანთაში მოწყობილ სპეციალურ სამალავში 2 კილოგრამი ნარკოტიკული ნივთიერება „კოკაინი“ იქნა აღმოჩენილი.
საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტს გადაეცა.
კომენტარები