„თბილისობის“ პროგრამის ფარგლებში, წელს პირველად ღონისძიებები გაიმართება გუდიაშვილის მოედანზეც, რომლის რეაბილიტაცია ახლახან დასრულდა, – ამის შესახებ თბილისის მერის მოადგილემ, ანდრია ბასილაიამ ორბელიანის პარკიდან „ქრონიკაში“ ჩართვისას განაცხადა.
მისი თქმით, „თბილისობის“ ღონისძიებები სხვადასხვა ლოკაციაზე 11:00 საათიდან მიმდინარეობს.
„დღის განმავლობაში აქ იქნება კონცერტები და საღამოსაც საინტერესო პროგრამაა დაგეგმილი. ღონისძიებები იმართება რიყის მოედანსა და ლეღვთახევშიც, სადაც საინტერესო ინსტალაციები იქნება – ისტორიული თბილისი გაცოცხლდება. წელს ღონისძიებების გამართვის ადგილებს ემატება გუდიაშვილის მოედანი, რომლის რეაბილიტაცია დასრულდა. ასე, რომ ყველას ველოდებით. მთელი დღის განმავლობაში საინტერესო აქტივობები იქნება“, – განაცხადა ბასილაიამ.
კომენტარები