აშშ-ში ლეგალური გზით გამგზავრებისა და დასაქმებისთვის ერთ-ერთი ლეგალური გზის, “მწვანე ბარათის” პროგრამაში რეგისტრაცია იწყება. როგორც საქართველოში აშშ-ის საელჩო იუწყება, რეგისტრაციისთვის ერთ თვეზე მეტი დრო იქნება გამოყოფილი.
“შერჩევის შემთხვევაში აშშ-ის მთავრობა არ უზრუნველყოფს რამე სახის პირად მომსახურებას, როგორიცაა მგზავრობის ხარჯები, საცხოვრებლის პოვნასა თუ დასაქმებაში დახმარება და სხვა”, – აცხადებენ საელჩოში.
დეტალები:
რეგისტრაცია იწყება 5 ოქტომბერს, 20:00 საათზე;
რეგისტრაცია დასრულდება 8 ნოემბერს, 20:00 საათზე;
რეგისტრაცია იყო და არის უფასო;
რეგისტრაცია ხდება სპეციალურ სივრცეში – dvprogram.state.gov;
რეგისტრაციის დროს გაიცემა უნიკალური კოდი, რომელიც უნდა შეინახოთ;
აშშ-ის მთავრობა არ გამოგიგზავნით სტატუსის შესახებ შეტყობინებას – სტატუსის გაგებას შეძლებთ უნიკალური კოდის გამოყენებით 2023 წლის 6 მაისიდან იმავე ვებგვერდზე: dvprogram.state.gov.
“თაღლითობის მაღალი რისკის გამო ნუ მიმართავთ დამხმარე ორგანიზაციებს…” – აცხადებს აშშ-ის საელჩო.