“ჩაიგდეთ ენა მუცელში და თუ რამის გაკეთება გინდათ, გააკეთეთ. ტყუილებს მოეშვით”,- ასე მიმართავს მოქალაქე თაკო კერესელიძე იმ ადამიანებს, რომლებიც მისივე განმარტებით, შოვში, სტიქიის ზონაში დაკარგული ადამიანების შესახებ ამბობენ, რომ გარდაცვლილები არიან.
როგორც მოქალაქე სოციალურ ქსელში წერს, ახლა ღვარძლის და ბოროტების დრო არ არის.
“ბიჭო, თქვენ ხო არ გაგიჟდით?
სად იბადებით და გროვდებით ეს ინტრიგანი და მატყუარა ხალხი. კიდე თქვენი ტყუილი და გაგიჟება უნდა ისედაც დაზაფრულ ხალხს???
ჩაიგდეთ ენა მუცელში და თუ რამის გაკეთება გინდათ, გააკეთეთ. ტყუილებს მოეშვით.
ვერტმფრენების გამო ლამისაა სახლი თავზე დამენგრეს, იმიტომ რომ პირდაპირ ჩემს სახლზე გადადიან და გადმოდიან მაგრამ კი არ გავკივი. ხელით მიჭირავს ლამის ფანჯრები ყველა აფრენა დაფრენაზე, ზანზარებს ჩემი სახლი და ზედ მექცევა ტოტები, ხეები და ყველაფერი, მაგრამ ვაგდივარ ჩემთვის ჩუმად, იმიტომ რომ უბედურება ტრიალებს.
ისეა ხალხი ტალახში დასახიჩრებული, ოჯახის წევრებიც ვეღარ ცნობენ.
ხო არ გაკლიათ? რეებს უკიტინებთ, რა სურათებს დასდევთ და რეებს სქრინავთ? ახლა არა, არ გინდათ.. დღეს და ხვალ არა..
მოკეტეთ, ნუ გვაგიჟებთ, ისედაც ჩახოცილები და ჩაწყვეტილები ვართ და არ სჭირდება არავის თქვენი ბოღმა, ღვარძლი და ბოროტება!!!!”,– წერს მოქალაქე.
შეგახსენებთ, რომ 3 აგვისტოს, ონის მუნიციპალიტეტში, შოვში მეწყრის შედეგად მიწის მასა ჩამოიშალა. ბოლო მონაცემებით, დაღუპულია 17 ადამიანი, ხოლო სტიქიის ზონიდან, 200-ზე მეტი პირია გამოყვანილი. ადგილზე ამ დრომდე უწყვეტი სამაშველო სამუშაოები მიმდინარეობს. შოვში მომხდარი ტრაგედიის გამო, 7 აგვისტო გლოვის დღედ გამოცხადდა.
