ლანჩხუთის მუნიციპალიტეტის სოფელ ჩოჩხათში მომხდარ ყაჩაღობასთან დაკავშირებით ახალი დეტალები ხდება ცნობილი.
„რუსთავი 2“-ის ინფორმაციით, სამი შეიარაღებული პირი გურგენაძეების ოჯახს დაესხა თავს და ცოლ-ქმარს ფიზიკური შეურაცხყოფა მიაყენა. ერთ-ერთმა გაქცევა მოახერხა, თუმცა თავდამსხმელები მას გაეკიდნენ, ცემეს და მდინარეში ჩააგდეს. ეკა ჭითაშვილმა გონს მოსვლა ნახევარი საათის შემდეგ მოახერხა.
არსებული ინფორმაციით, თავდამსხმელებმა 220 ლარის წაღება მოახერხეს.
დაზარალებულები საავადმყოფოში არიან გადაყვანილები. ექიმის განმარტებით, ცოლ-ქმარს მრავლობითი დაჟეჟილობები თავისა და სახის არეში აღენიშნებათ.
კომენტარები