საპარლამენტო უმრავლესობის წევრის, დავით მათიკაშვილის განცხადებით, მთავარი პროკურორის, ირაკლი შოთაძის თანამდებობიდან გადაყენების საკითხი არ უნდა დადგეს.
როგორც მათიკაშვილმა მედიის წარმომადგენლებთან აღნიშნულ საკითხზე საუბრისას განმარტა, მთავარმა პროკურატურამ და სამართალდამცავმა სისტემამ ძალიან ეფექტურად იმუშავეს.
„ჩვენ უნდა დაველოდოთ გამოძიებას. ოპოზიციას ეჩქარება. ეჩქარება საზოგადოებასაც, რადგან საქმე ძალიან მნიშვნელოვან და სენსიტიურ საქმეს ეხება, მაგრამ გამოძიება ყველა დაგროვილ კითხვას გასცემს პასუხს. ნუ გავუსწრებთ მოვლენებს. პროკურატურამ და სამართალდამცავმა სისტემამ ძალიან ეფექტურად იმუშავა. შესაბამისად აღკვეთილი იქნა დანაშაული,“ – განაცხადა დავით მათიკაშვილმა.
კომენტარები