დეკანოზ გიორგი მამალაძის ადვოკატის მიხეილ რამიშვილის ინფორმაციით, გამომძიებლების თხოვნით ე.წ. მატროსოვის ციხეში 16:00 საათზე დეკანოზის ექსპერტიზის ნიმუშებს აიღებენ.
გამომძიებლები სამი ტიპის ექსპერტიზას ჩაატარებენ და მამა გიორგი მამალაძის დნმ-ს, ხმასა და კალიგრაფიას შეამოწმებენ.
ე.წ. მატროსოვის ციხე სამივე ადვოკატმა დატოვა. მათი განცხადებით, ექსპერტიზის ნიმუშების აღების შემდეგ, შესაძლოა, დეკანოზი დაკითხონ.
გიორგი ფანცულაიას თქმით, თუ პროკურატურა გადაწყვეტს მამა გიორგი მამალაძე მზადაა საგამოძიებო უწყებას ე.წ. ციანიდის საქმეზე პირველი ჩვენება მისცეს.
მიხეილ რამიშვილის განმარტებით, დაკითხვა დღეს თუ დაიწყება ბევრი დრო დასჭირდება და დღესვე ვერ დასრულდება.
ე.წ. მატროსოვის ციხეში დეკანოზის ექსპერტიზის ნიმუშების აღებას სამივე ადვოკატი დაესწრება.
კომენტარები