საპატრიარქოს იურისტი ედიშერ ქარჩავას თქმით, შესაძლოა გამოძიებას, მამა გიორგი მამალაძის დაკითხვის შემდეგ, კონკრეტულ პირებთან კითხვები გაუჩნდა.
”ვადასტურებ, რომ მეუფე პეტრე დაბარებულია მთავარ პროკურატურაში. მას ჰყავს თავისი ინტერესების დამცველი, რომელთან ერთადაც აპირებს იქ მისვლას.
მე ვვარაუდობ, რომ გუშინ მამა გიორგის დაკითხვის შემდეგ, როგორც მისმა ადვოკატებმა განაცხადეს, მან დაასახელა გარკვეული პირები და ამით შეგვიძლია ვივარაუდოთ, რომ შესაძლებელია რაღაც შეკითხვები გაუჩნდა გამოძიებას სხვადასხვა პირებთან მიმართებაში”, – განაცხადა ედიშერ ქარჩავამ.
ედიშერ ქარჩავას ინფორმაციით, ამ ეტაპზე პროკურატურიდან შორენა თეთრუაშვილის დაკითხვის შესახებ უწყება არ მისულა.
“შორენა თეთრუაშილის პროკურატურაში დაბარების შესახებ უწყება არ ყოფილა. თუმცა, ჩვენ ვვარაუდობთ, რომ როდესაც ამოიწურება ბრალდებულთან ყველა შეკითხვა და დაკითხვა, ამომწურავ პასუხებს გავცემთ არა მარტო ჩვენ, არამედ ისინიც ვისაც სავარაუდოდ მამალაძე დაასახელებს თავის ჩვენებაში”, – განაცხადა საპატრიარქოს იურისტმა.