ისრაელის თავდაცვის მინისტრმა, იოავ გალანტმა განაცხადა, რომ ისრაელი თავს დაესხმება ნებისმიერ ქვეყანას, რომელიც ისრაელის წინააღმდეგ შეტევას განახორციელებს.
„ამ ომში ჩვენ თავს გვესხმიან ერთზე მეტი ფრონტიდან, სხვადასხვა მიმართულებიდან. ნებისმიერი მტერი, რომელიც შეეცდება ჩვენზე თავდასხმას, პირველ რიგში, ჩვენი მტკიცე თავდაცვის წინაშე დადგება“, – აღნიშნა ისრაელის თავდაცვის უწყების ხელმძღვანელმა.
„მაგრამ ჩვენ გვეცოდინება, როგორ მოვიქცეთ ძალიან სწრაფად, გადამწყვეტი შეტევითი მოქმედებით იმ ტერიტორიის წინააღმდეგ, რომლიდანაც თავს დაესხმებიან ჩვენს ტერიტორიას, სადაც არ უნდა იყოს ის, მთელ ახლო აღმოსავლეთში. ჩვენ გვაქვს ამის უნარი. ისრაელის პასუხი იქნება ძალიან, ძალიან ეფექტური, ძალიან ძლიერი. ერთ-ერთი რამ, რითაც ჩვენ გამორჩეული ვართ წლების განმავლობაში, არის ის, რომ მტერმა არასოდეს იცის, რა სიურპრიზებს ვუმზადებთ მას“, – დასძინა იოავ გალანტმა.