ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ქვეყანა ემზადება თავდასხმებისთვის სხვა ფრონტებიდან და ხაზგასმით აღნიშნა, რომ ისრაელი ყველას დაარტყამს, ვინც ზიანს მიაყენებს მას.
„ჩვენ რთულ პერიოდში ვიმყოფებით. ჩვენ ღაზაში ომის შუაგულში ვართ, რომელიც მთელი სიმძაფრით გრძელდება. გარდა ამისა, უწყვეტად გრძელდება ძალისხმევა ჩვენი მძევლების დასაბრუნებლად, მაგრამ ასევე ვემზადებით გამოწვევებისთვის სხვა ფრონტებიდან“, – აღნიშნა ისრაელის მთავრობის მეთაურმა.
„ჩვენ დავაწესეთ მარტივი პრინციპი: დავარტყამთ ნებისმიერს, ვინც დაგვარტყამს. ჩვენ მზად ვართ, შევასრულოთ ჩვენი პასუხისმგებლობა ისრაელის უსაფრთხოების მიმართ“, – დასძინა მან.
კომენტარები