მინდა იცოდეთ ყველამ, რომ გერმანია იყო ერთ-ერთი ყველაზე გამორჩეული, გულმხურვალე მხარდამჭერი იმისთვის, რომ საქართველოს კანდიდატის სტატუსი მიეღო. ასე, რომ მინდა, მადლობა გადავუხადო კანცლერ შოლცსა და გერმანიის მთავრობას, ჩვენს გერმანელ პარტნიორებს, – ამის შესახებ „ქართული ოცნების“ თავმჯდომარემ, ირაკლი ღარიბაშვილმა ჟურნალისტებს განუცხადა.
მან გერმანიის ფედერაციულ რესპუბლიკაში პრემიერ-მინისტრის, ირაკლი კობახიძის ვიზიტი შეაფასა.
„გერმანია არის ჩვენი ძალიან მნიშვნელოვანი პარტნიორი. მინდა გაგიზიაროთ ინფორმაცია. ჩემი არაერთი კომუნიკაცია შედგა კანცლერ შოლცთან შარშან, სანამ მივიღებდით კანდიდატის სტატუსს. იცით, რომ შარშან, ივნისში კანცლერის მიწვევით ვიმყოფებოდი გერმანიაში, ბერლინში, სადაც ვისაუბრეთ ამ საკითხებზე და დავსახეთ ერთად საგზაო რუკა, თუ როგორ უნდა მიეღო საქართველოს კანდიდატის სტატუსი. ძალიან ბევრი რამ გაკეთდა ერთად. მინდა იცოდეთ ყველამ, რომ გერმანია იყო ერთ-ერთი ყველაზე გამორჩეული, გულმხურვალე მხარდამჭერი იმისთვის, რომ საქართველოს მიეღო კანდიდატის სტატუსი. ასე, რომ მინდა, მადლობა გადავუხადო კანცლერ შოლცსა და გერმანიის მთავრობას, ჩვენს გერმანელ პარტნიორებს“, – განაცხადა ღარიბაშვილმა.