ბენ გურიონის აეროპორტი ამ წუთებში ჩვეულ რეჟიმში მუშაობს. ამის შესახებ „იმედინიუსს“ აეროპორტის თანამშრომელმა შალვა ომიაძემ აცნობა.
„ჯერჯერობით, მშვიდობაა. სამსახურში ვარ, ამ წუთებშიც ვმუშაობთ. ფრენები არის, კიდევ ველოდებით თვითმფრინავებს. მაგრამ ჯერჯერობით, არ ვიცით, მოფრინავს თუ არა, რადგან GPS გაითიშა ჩვენთან ამ წუთებში. დაკეტვასთან დაკავშირებით ჯერ ჩვენ შეტყობინება არ მოგვსვლია. ღამის სამ საათამდე ვმუშაობ და ხვალ ისევ უნდა მოვიდე სამსახურში“, – აცნობა „იმედინიუსს“ შალვა ომიაძემ ბენ გურიონის აეროპორტიდან.
როგორც ცნობილია. ისრაელის თავდაცვით ძალებში დაადასტურეს, რომ ირანმა ისრაელის წინააღმდეგ დრონების გამოყენებით თავდასხმა დაიწყო. „ცოტა ხნის წინ ირანმა თავისი ტერიტორიიდან ისრაელის სახელმწიფოს ტერიტორიის მიმართულებით უპილოტო საფრენი აპარატები გაუშვა“, – ნათქვამია თავდაცვითი ძალების განცხადებაში.
ისრაელის არმიაში ხაზგასმით აღნიშნეს, რომ ყველა სამიზნეს აკონტროლებენ.