სიდნეის სავაჭრო ცენტრში მომხდარ შეიარაღებულ თავდასხმას ქართველი ქალი ემსხვერპლა – 50 წლამდე ფიქრია დარჩია სიდნეის სავაჭრო ცენტრში იმ დროს იმყოფებოდა, როცა შენობაში შეიარაღებული თავდამსხმელი შეიჭრა.
უცხოური მედია გარდაცვლილების შესახებ წერს. გავრცელებული ინფორმაციით, ფიქრია იყო მხატვარი/დიზაინერი, რომელიც სწავლობდა ბიზნესის ადმინისტრირებას Sydney TAFE-ში და შეეძლო საუბარი სამ ენაზე: ინგლისური, რუსული და ქართული.
მან ასევე დაამთავრა თბილისის სახელმწიფო სამხატვრო აკადემია საქართველოში.
შეგახსენებთ, რომ სიდნეის სავაჭრო ცენტრში 13 აპრილს დანით შეიარაღებული პირი შეიჭრა. თავდასხმის შედეგად დაიღუპა 6 ადამიანი. სულ მცირე, 11 კი დაშავდა. მათ შორის, ბავშვიც. დაშავებულები კლინიკაში იმყოფებიან.
ავსტრალიის პოლიციის თქმით, თავდამსხმელი მარტო მოქმედებდა და მალევე გაანეიტრალეს. ის სავაჭრო ცენტრში მყოფმა პოლიციელმა მოკლა, რომელიც თავდასხმის ადგილას მარტო იმყოფებოდა. ადგილზე საგამოძიებო მოქმედებები კვლავ გრძელდება.