დავით ქართველიშვილი სოციალურ ქსელში პოსტს აქვეყნებს.
„ქრონიკის“ ინფორმაციით, ელენე ხოშტარიასა და მისი ოჯახის ანგარიშზე მოსკოვიდან ლონდონის ერთ-ერთი ბანკის მეშვეობით თანხის გადარიცხვა მოხდა. ხოშტარიების ანგარიშზე 30 000 ფუნტი ჩაირიცხა.
ამ ინფორმაციაში თითოეული სიტყვა – “ბალზამია”. მოსკოვიდან – ლონდონში უპრობლემოდ ირიცხება ფული, აქ კი “შავ საბანკო ხვრელებს” ეძებენ. ლონდონი კი გადაიქცა ორმაგი აგენტურის საფინანსო-სატრანზიტო მკვებავ პუნქტად. ხოლო ვისი ნოტები ვის როიალშია – მარიინსკის თეატრის დირიჟორს თუ ეცოდინება.
რაც შეეხება გოგი ხოშტარიას პოზიციას, რომელიც “ქრონიკის” ზარებს გაურბის – ის ძალზე წააგავს იმ შიშველი ადამის ბიბლიურ ისტორიას, რომელიც ცოდვის ჩადენის შემდგომ უფალს ემალებოდა. იმ ისტორიის მცირეოდენი პერეფრაზირებით, სახეზე გვაქვს დაახლოვებით ასეთი მიზანსცენა:
“უთხრა გოგის: ვინ გითხრა, შიშველი რომ ხარ? იმ ხის ნაყოფი ხომ არ გიჭამია, მე რომ აგიკრძალე? და უთხრა გოგიმ: შენ რომ ქალიშვილი მომეცი, მან მომცა იმ ხის ნაყოფი და მეც შევჭამე. და უთხრა უფალმა ღმერთმა დედაკაცს: ეს რა ჩაიდინე? თქვა დედაკაცმა: გველმა შემაცდინა და მეც შევჭამე”…”
