შოლცმა გააკრიტიკა ევროკავშირში არსებული „გამჭვირვალობის კანონი“ და ახლა რა ვქნათ, დავაპირისპიროთ ისინი ერთმანეთს?! რომელს დავუჭიროთ მხარი – გერმანიას თუ ევროკავშირის იმ ქვეყნებს, ვინც ამ კანონპროექტს მხარს უჭერს?!, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა მედიასთან საუბარში განაცხადა.
როგორც მაჭარაშვილმა აღნიშნა, გამჭვირვალობის კუთხით, საქართველოს სახელმწიფო ბიუჯეტი მსოფლიოში ყველაზე გამჭვირვალეა.
„რა ევროპა და რუსეთი?! სად არის აქ არჩევანი?! – გამოდიან და ამბობენ, რომ ევროპა უნდათ. რა თქმა უნდა, ევროპა გვინდა – რუსეთი რომ არ გვინდა, ჩვენ საქმით დავამტკიცეთ. უამრავი სასამართლო მოვიგეთ რუსეთის ფედერაციასთან მაშინ, როდესაც „ნაც-მოძრაობამ“ [საქართველოს ტერიტორიის] 20% და მთელი ენერგო-ობიექტები მას ჩააბარა. არჩევანი არის ახლა ჩვენი სუვერენიტეტის შენარჩუნებასა და მის შესუსტებას შორის.
შეიძლება ბევრ ქვეყანას ეს კანონი არ მოეწონოს. მაგალითად, შოლცმა გააკრიტიკა ევროკავშირში არსებული გამჭვირვალობის კანონი და ახლა რა ვქნათ, დავაპირისპიროთ ისინი ერთმანეთს?! რომელს დავუჭიროთ მხარი – გერმანიას თუ ევროკავშირის იმ ქვეყნებს, ვინც ამ კანონპროექტს მხარს უჭერს?! იქაც არის განსხვავებული აზრი. არავის უნდა გამჭვირვალე იყოს ის ფული, რომელიც უცხო ქვეყნიდან მასთან ირიცხება. თუმცა, დღეს ჩვენ ის გვჭირდება – საქართველოს სჭირდება გამჭვირვალობა. მსოფლიოში პირველ ადგილზე ვართ ბიუჯეტის გამჭვირვალობით – ყველა ხედავს სად, რა თეთრი იხარჯება,” – განაცხადა გურამ მაჭარაშვილმა.