გამოცემა Euractiv-თან ინტერვიუში პოლონეთის ყოფილმა პრემიერ-მინისტრმა, მატეუშ მორავეცკიმ განაცხადა, რომ რუსეთის გავლენა ევროპარლამენტის ყველა პოლიტიკურ ჯგუფშია შეღწეული.
12 აპრილს, ბელგიის ფედერალურმა პროკურორმა გამოძიება დაიწყო პრორუსულ ქსელთან დაკავშირებით, რომელსაც ბრალად ედება ევროპარლამენტარებისთვის ფულის გადახდა კრემლის დღის წესრიგის წინ წასაწევად.
„რუსები ძალიან აქტიურები არიან ყველა ევროპარლამენტის ყველა პოლიტიკურ ჯგუფში“, – აღნიშნა მატეუშ მორავეცკიმ.
„დარწმუნებული ვარ, „ევროპელი კონსერვატორებისა და რეფორმისტების“ (ECR) ჯგუფშიც არის შეღწეული რუსული გავლენა, ან არის შეღწევის მცდელობები და არ გამიკვირდება, თუ არსებობს ესა თუ ის წევრი, რომელიც თანამშრომლობს რუსებთან, რადგან ისინი ძალზე ეფექტურად მოქმედებენ გადაბირების კუთხით“, – განაცხადა პოლონეთის ყოფილმა პრემიერ-მინისტრმა.