ზოგადად, თუ გვინდა, რომ ოპოზიცია და მასთან სიმბიოზში მყოფი „ენჯეოები“ ერთი სიტყვით დავახასიათოთ, ერთი სიტყვაა საკმარისი – ფარისევლები, – ამის შესახებ პარლამენტის თავმჯდომარე შალვა პაპუაშვილმა ჟურნალისტებთან განაცხადა.
პაპუაშვილს კითხვა დაუსვეს ოპოზიციის ერთ-ერთ ლიდერზე, ელენე ხოშტარიაზე, რომელიც ხელისუფლებას ადანაშაულებს იმაში, რომ ქვეყანას რუსეთთან კავშირში ადანაშაულებს და ამავდროულად, ვრცელდება ინფორმაცია, როგორ უხსნის ხოშტარიას დედა მოსკოვში შუამავალს თანხის გადარიცხვასთან დაკავშირებულ პროცესებს.
„ზოგადად, თუ გვინდა, რომ ოპოზიცია და მასთან სიმბიოზში მყოფი „ენჯეოები“ ერთი სიტყვით დავახასიათოთ, ერთი სიტყვაა საკმარისი – ფარისევლები. ფარისევლობაა ის, როდესაც ერთს ამბობენ საჯაროდ და მეორეს აკეთებენ ფარულად. მთავარი არსი ის არის, რომ არც ერიდებათ ხოლმე, რომ ამის გამართლება სცადონ. დიდი ხანია საზოგადოებამ იცის, რომ ფარისევლობაა ეს ყველაფერი. ამიტომაც არიან ბარიერს მიღმა ყველა ეს პარტია“, – აღნიშნა პაპუაშვილმა.
„იმედის კვირას“ მოქალაქემ მიაწოდა მტკიცებულება, თუ როგორ ესაუბრება ელენე ხოშტარიას დედა შუამავალს მოსკოვში და უხსნის, როგორ განახორციელოს მორიგი ტრანზაქცია რუსეთიდან.