როდესაც 2012 წელს შეიცვალა ხელისუფლება, მაშინდელმა პრემიერ-მინისტრმა ბიძინა ივანიშვილმა განაცხადი გააკეთა, რომ ყველაფერს გააკეთებდა იმისთვის, საქართველოში ჩატარებულიყო მაღალი დონის ტურნირები, – ასე გამოეხმაურა პარტია „ხალხის ძალის“ პოლიტიკური მდივანი, მიხეილ ყაველაშვილი ფონდი „ქართუს“ ინიციატივას.
„როდესაც 2012 წელს შეიცვალა ხელისუფლება, მაშინდელმა პრემიერ-მინისტრმა ბიძინა ივანიშვილმა განაცხადი გააკეთა სპორტის მესვეურებისთვის, რომ თუ რამე შესაძლებლობა იქნებოდა, ნებისმიერი სპორტის სახეობაში, მასპინძელი ყოფილიყო საქართველო, ყველაფერს გააკეთებდა იმისთვის, საქართველოში ჩატარებულიყო მაღალი დონის ტურნირები. დაავალა სპორტის მესვეურებს, რომ ეზრუნათ იმისთვის, რომ საქართველო ყოფილიყო წარმოდგენილი. ასეთი [პრემიერის მიერ დაანონსებული] მაღალი დონის სტადიონის მშენებლობის დაწყება ეს განაცხადია როგორც ქვეყნის არა მხოლოდ სპორტის ამ სახეობების, არამედ ქვეყნის წარმოჩენისთვის“, – აღნიშნა ყაველაშვილმა.
საქველმოქმედო ფონდი „ქართუ“ ევროპის ჩემპიონატის ქვეჯგუფიდან გასვლისთვის საქართველოს ეროვნულ საფეხბურთო ნაკრებს ჯილდოს სახით, 30 მილიონ ლარს გადასცემს. ამის შესახებ ნათქვამია ფონდი „ქართუს“ განცხადებაში.