“ რუსეთი აძლიერებს თავდასხმებს უკრაინაზე, რათა ისარგებლოს ბოლო შესაძლებლობით”

ესტონეთის თავდაცვის ძალების სადაზვერვო ცენტრის მეთაურმა, ანტს კივისელგმა განაცხადა, რომ რუსეთი აძლიერებს თავდასხმებს უკრაინაზე, რათა ისარგებლოს ბოლო შესაძლებლობით, ვიდრე უკრაინა დასავლეთის სამხედრო აღჭურვილობასა და საბრძოლო მასალას მიიღებს.

„გასული კვირა უკრაინაში შედარებით ინტენსიური იყო. რუსეთის თავდასხმების რიცხვი გაიზარდა 100 თავდასხმამდე დღეში კვირის პირველ ნახევარში და გარკვეულწილად შემცირდა მეორე ნახევარში, დაახლოებით 80 თავდასხმამდე დღეში“, – აღნიშნა ანტს კივისელგმა.

კივისელგის თქმით, რუსული ძალების აქტივობა კვლავ ფოკუსირებულია ჩასივ-იარზე.

„რუსეთი ცდილობს ისარგებლოს შესაძლებლობების ბოლო ფანჯრით, სანამ დასავლეთის სამხედრო დახმარება სრულად არ ჩავა უკრაინაში და არ განლაგდება“, – დასძინა მან.