იურიდიულ საკითხთა საპარლამენტო კომიტეტის თავმჯდომარე ანრი ოხანაშვილმა კომიტეტის სხდომიდან ამჯერად ოპოზიციონერი დეპუტატი ლევან ბეჟაშვილი გააძევა.
ანრი ოხანაშვილის განმარტებით, ლევან ბეჟაშვილმა რეგლამენტი დაარღვია.
„ამ წამოძახილებს დაანებეთ თავი, საბავშვო ბაღში თქვენ მიგაჩნიათ თავი და ეგ არის ცუდი, ვერ აღიქვამთ სად ხართ. ეს არის სამწუხარო. წამოძახილებს თავი დაანებეთ, მიკროფონის გარეშე საუბარს თავი დაანებეთ. დატოვეთ დარბაზი“, – მიმართა მან ლევან ბეჟაშვილს.
კომიტეტის სხდომაზე „უცხოური გავლენის გამჭვირვალობის შესახებ“ კანონპროექტი მეორე მოსმენით, მუხლობრივად განიხილება.
კომენტარები