აშშ-ის უზენაესმა სასამართლომ ძალაში დატოვა კანონი, რომელიც აშშ-ში სოციალურ პლატფორმა „ტიკ ტოკს“ კრძალავს.
მოსამართლეებმა ერთხმად დაადგინეს, რომ კანონი, რომელიც კონგრესმა შარშან დაამტკიცა და რომელსაც პრეზიდენტმა ჯო ბაიდენმა ხელი მოაწერა, არ არღვევს აშშ-ის კონსტიტუციის პირველ შესწორებას სიტყვის თავისუფლების შესახებ.
კანონის თანახმად, მფლობელმა ჩინურმა კომპანიამ, ByteDance-მა „ტიკ ტოკი“ 19 იანვრამდე უნდა გაყიდოს, წინააღმდეგ შემთხვევაში აკრძალვა ძალაში შევა.
აშშ-ის ხელისუფლება აპლიკაციის აკრძალვის გადაწყვეტილებას ეროვნული უსაფრთხოების საფუძვლით ხსნის.
„ეჭვგარეშეა, რომ 170 მილიონზე მეტი ამერიკელისთვის „ტიკ ტოკი“ წარმოადგენს აზრის გამოხატვის, ჩართულობისა და საზოგადოებასთან ურთიერთობის საშუალების გამორჩეულ და ფართო არხს. თუმცა კონგრესმა განსაზღვრა, რომ დახურვა აუცილებელია, რათა აღმოიფხვრას ეროვნული უსაფრთხოებისთვის კარგად დასაბუთებული პრობლემები, რაც დაკავშირებულია „ტიკ ტოკის“ მონაცემთა შეგროვების პრაქტიკებსა და უცხოურ მეტოქესთან ურთიერთობებთან“, – ნათქვამია სასამართლოს დადგენილებაში.
„ტიკ ტოკი“ აშშ-ში სოციალური მედიის ერთ-ერთი ყველაზე ფართოდ გამოყენებული პლატფორმაა, რომელსაც დაახლოებით 270 მილიონი ამერიკელი იყენებს.