„ჰამასის“ ტყვეობიდან გათავისუფლებული ისრაელელი მძევლები ოჯახების წევრებს შეხვდნენ. შეხვედრის ამსახველ ფოტო და ვიდეომასალას ისრაელის პრემიერ-მინისტრის, ბენიამინ ნეთანიაჰუს ოფისი ავრცელებს.
დორონ შტაინბრეხერი, ემილი დამარი და რომი გონენი ტელ ჰაშომერის კლინიკაში არიან. გათავისუფლებული მძევლები კლინიკაში, სავარაუდოდ, რამდენიმე დღეს დარჩებიან. ექიმების ინფორმაციით, სამივე მძევლის ჯანმრთელობის მდგომარეობა სტაბილურია.
შეგახსენებთ, რომ სამი ისრაელელი მძევალი „ჰამასის“ 471-დღიანი ტყვეობის შემდეგ გათავისუფლდა. ეს ისრაელსა და „ჰამასს“ შორის მიღწეული ცეცხლის შეწყვეტისა და მძევლების გათავისუფლების შეთანხმების ფარგლებში მოხდა, რომელიც 19 იანვარს შევიდა ძალაში. სანაცვლოდ, ისრაელმა შეთანხმების ფარგლებში პალესტინელი პატიმრები უნდა გაათავისუფლოს.
კომენტარები