„ჰამასის“ მძევლების ოჯახების წევრები და მათი მხარდაჭერები ვაშინგტონში შეიკრიბნენ. ისინი მადლობას უხდიან აშშ-ის არჩეულ პრეზიდენტს, დონალდ ტრამპს ცეცხლის შეწყვეტის უზრუნველყოფის მცდელობისთვის, თუმცა მოუწოდებენ, რომ გააგრძელოს ეს შეთანხმება, რათა ყველა მძევალმა შეძლოს სახლში დაბრუნება.
„მინდა, მადლობა გადავუხადო პრეზიდენტ ტრამპს ამ შეთანხმების მიღწევისთვის და პრეზიდენტ ბაიდენს, რომელმაც არ მიგვატოვა. მინდა, დავრწმუნდე, რომ მსოფლიო გაიგებს, რომ შეთანხმება უნდა გაგრძელდეს სრულად და ყველა ეტაპზე“, – აღნიშნა ნოა არგამანმა, რომელიც ივნისის თვეში ისრაელმა გაათავისუფლა „ჰამასის“ ტყვეობიდან.
არგამანის თქმით, მან იცის, თუ როგორია შეგრძნება, როდესაც სხვა მძევლები თავისუფლდებიან, ნაწილი კი ისევ ტყვეობაში რჩება.
„ბევრი მძევალი ჯოჯოხეთს გადის და ისინი ელოდებიან იმ დღეს, როდესაც გათავისუფლდებიან“, – თქვა არგამანმა.