“რუსეთისა და აშშ-ის დელეგაციები 27 თებერვალს სტამბოლში მორიგ შეხვედრას გამართავენ”

რუსეთისა და აშშ-ის დელეგაციები 27 თებერვალს სტამბოლში მორგი შეხვედრას გამართავენ, – განაცხადა რუსეთის საგარეო საქმეთა მინისტრმა სერგეი ლავროვმა.

მისი თქმით, დელეგაციების შეხვედრის მთავარი თემა რუსეთისა და ამერიკის საელჩოების ნორმალურ რეჟიმში მუშაობის გაგრძელება იქნება.

„ჩვენ განვაცხადეთ, რომ ჩვენი დიპლომატები, მაღალი რანგის ექსპერტები ერთმანეთს შეხვდებიან და იმ სისტემურ პრობლემებს განიხილავენ, რომელიც აშშ-ის წინა ადმინისტრაციის უკანონო ქმედებების შედეგად დაგროვდა. ისინი ხელოვნურ დაბრკოლებებს უქმნიდნენ რუსეთის საელჩოს მუშაობას, რასაც ჩვენც, ბუნებრივია, მსგავსი ქმედებებით ვპასუხობდით და აგრეთვე ვუქმნიდით არაკომფორტულ პირობებს ამერიკის საელჩოს მოსკოვში“, – დასძინა ლავროვმა.

ცნობისთვის, 18 თებერვალს საუდის არაბეთის დედაქალაქ ერ-რიადში რუსეთისა და აშშ-ის დელეგაციებმა რამდენიმეწლიანი პაუზის შედეგ პირველი მოლაპარაკებები გამართეს. რუსეთის მხარეს ლავროვი, ხოლო ამერიკულს – სახელმწიფო მდივანი მარკო რუბიო წარმოადგენდა.