“რუსეთ-ამერიკის ენერგეტიკული და ეკონომიკური თანამშრომლობა გაგრძელდება და სარგებელს მოუტანს გლობალურ ბაზრებსა და მსოფლიოს”

რუსეთის პრეზიდენტის ვლადიმერ პუტინის სპეციალური წარმომადგენელი კირილ დმიტრიევი კრემლის ლიდერისა და აშშ-ის პრეზიდენტის დონალდ ტრამპის სატელეფონო საუბარს გამოეხმაურა.

როგორც დმიტრიევმა სოციალურ ქსელ X-ში დაწერა, სატელეფონო საუბრის შედეგად რუსეთის მიერ აშშ-თვის დიზელის მიწოდების შესახებ მიღწეული შეთანხმება სარგებელს მოუტანს გლობალურ ბაზრებსა და მთელ მსოფლიოს.

„პრეზიდენტმა პუტინმა და პრეზიდენტმა ტრამპმა დაასრულეს სატელეფონო საუბარი. რუსეთ-ამერიკის ენერგეტიკული და ეკონომიკური თანამშრომლობა გაგრძელდება და სარგებელს მოუტანს გლობალურ ბაზრებსა და მსოფლიოს“, – დაწერა დმიტრიევმა.

ცნობისთვის ტრამპმა გუშინ განაცხადა, რომ პუტინთან სატელეფონო საუბრის შედეგად მხარეები შეთანხმდნენ, რომ რუსეთი დაუყოვნებლივ მიაწვდის ამერიკულ და გლობალურ ბაზარს 300 000 ტონაზე მეტ დიზელის საწვავს, კიდევ 500 000 ტონას ნოემბრის განმავლობაში, ხოლო ამის შემდეგ – 1 000 000 ტონას.