თურქეთი მზად არის, უკრაინაში მშვიდობისმყოფელთა გაგზავნის იდეის განხილვისთვის. ინფორმაციას ამის შესახებ სააგენტო Bloomberg-ი წყაროებზე დაყრდნობით ავრცელებს.
გამოცემის ინფორმაციით, აღნიშნული საკითხი თურქეთის პრეზიდენტმა, რეჯეფ თაიფ ერდოღანმა უკრაინის პრეზიდენტ ვოლოდიმირ ზელენსკისთან და რუსეთის საგარეო საქმეთა მინისტრ სერგეი ლავროვთან თებერვლის დასაწყისში, ანკარაში გამართული ცალკეული შეხვედრების დროს განიხილა.
წყაროების ინფორმაციით, თურქეთი არ გახდება რომელიმე მისიის ნაწილი, თუ არ იქნება ჩართული მის შექმნასთან დაკავშირებულ ყველა კონსულტაციასა და მომზადებაში.
მანამდე საფრანგეთის ფინანსთა მინისტრმა, ერიკ ლომბარდმა განაცხადა, რომ გაერთიანებული სამეფო, გერმანია, საფრანგეთი და სხვა ევროპული ქვეყნები მზად არიან უკრაინაში ჯარების გაგზავნისთვის, რათა შესაძლო ზავი უზრუნველყონ.