ვოლოდიმირ ზელენსკი აცხადებს, რომ კონფლიქტისა და ცხარე კამათის მიუხედავად პრეზიდენტ ტრამპს პატივს სცემს, – განაცხადა უკრაინის პრეზიდენტმა Fox News-ის ეთერში თეთრი სახლის დატოვების შემდეგ.
„მე პატივს ვცემ პრეზიდენტს და ამერიკელ ხალხს. ვფიქრობ, რომ ჩვენ ღია და გულწრფელები უნდა ვიყოთ. არ მგონია, რომ რამე ცუდი გავაკეთეთ, ჩვენ მზად ვართ მშვიდობისთვის და ამისთვის ძლიერი პოზიცია გვჭირდება. რას ნიშნავს ეს? უბრალოდ უნდა ვიცოდეთ, რომ ჩვენი ჯარი ძლიერია, რომ პარტნიორები ჩვენთან არიან და რომ ჩვენ უსაფრთხოების გარანტიები გვაქვს. რა თქმა უნდა, ვნანობ, რაც თეთრ სახლში მოხდა. ეს არ იყო კარგი, თუმცა ჩვენი ურთიერთობების გადარჩენა შესაძლებელია, რადგანაც ეს არ არის უბრალო ურთიერთობა პრეზიდენტთან. ეს ისტორიული და მჭიდრო ურთიერთობაა ჩვენს ხალხებს შორის“, – განაცხადა ზელენსკიმ.