ვალენსიაში რეგიონის ხელმძღვანელის გადადგომის მოთხოვნით ათასობით ადამიანმა საპროტესტო აქცია გამართა.
დემონსტრანტები კარლოს მაზონსა და მის მთავრობას გასული წლის ოქტომბერში სტიქიაზე არასათანადო რეაგირებაში სდებენ ბრალს. საპროტესტო აქციაში სტიქიის შედეგად დაღუპულთა ოჯახის წევრებიც მონაწილეობდნენ.
დემონსტრაცია 200-მდე სამოქალაქო ჯგუფისა და პროფკავშირის მიერ იყო ორგანიზებული.
29 ოქტომბერს ვალენსიის რეგიონში წყალდიდობას 224 ადამიანი ემსხვერპლა. სამი მოქალაქე კი ამ დრომდე უგზო-უკვლოდ დაკარგულად ითვლება.
კომენტარები