გერმანიის ქალაქ მანჰაიმის ცენტრში შავი ფერის მაღალი გამავლობის ავტომობილი ქვეითებს დაეჯახა, რის შედეგადაც ორი ადამიანი გარდაიცვალა. ინფორმაციას გერმანული მედია ავრცელებს.
ინციდენტი ქალაქის ერთ-ერთ სავაჭრო ცენტრთან მოხდა. 25 ადამიანი დაშავდა. ქალაქის საუნივერსიტეტო კლინიკის ინტენსიური თერაპიის განყოფილებაში საავარიო განგაშია გამოცხადებული.
შემთხვევის ადგილზე პოლიციაა მობილიზებული. როგორც მედია იუწყება, სამართალდამცველებმა ეჭვმიტანილი უკვე დააკავეს. მომხდარის მოტივები უცნობია.
კომენტარები