აშშ-ის პრეზიდენტის, დონალდ ტრამპის ადმინისტრაცია ამერიკაში მცხოვრები 240 ათასი უკრაინელისთვის სამართლებრივი სტატუსის ჩამორთმევას გეგმავს. ინფორმაციას Reuters-ი ავრცელებს.
საუბარია იმ უკრაინელებზე, რომლებიც ამერიკაში ომის დაწყების შემდეგ ჩავიდნენ და ლტოლვილის სტატუსის მაძიებლები გახდნენ. სააგენტოს მტკიცებით, ეს, შესაძლოა, აპრილში მოხდეს.
როგორც Reuters-ი აღნიშნავს, უკრაინელებისთვის სამართლებრივი სტატუსის ჩამორთმევა ტრამპის ადმინისტრაციის დიდი გეგმის ნაწილია, რომელიც უკანონო მიგრაციასთან ბრძოლას ეხება.
ტრამპი აპირებს საერთო ჯამში 1,8 მილიონ მიგრანტს, რომლებსაც ჯო ბაიდენის მმართველობის დროს ამერიკაში შესვლის ნებართვა მისცეს, ლტოლვილის სტატუსი ჩამოართვას.
კომენტარები