საქართველოს პრეზიდენტი მიხეილ ყაველაშვილი საქართველოს დელეგაციასთან ერთად უკვე წმინდა პეტრეს მოედანზე იმყოფება. დელეგაციაში შედიან საგარეო საქმეთა მინისტრი მაკა ბოჭორიშვილი და საპატრიარქოს წარმომადგენლები.
წინასწარ არის განსაზღვრული ადგილები, თუ სად დასხდებიან პრეზიდენტები. ცნობილი გახდა, რომ საქართველოს პრეზიდენტი უნგრეთისა და საფრანგეთის პრეზიდენტების გვერდით დაჯდება.
რომის პაპის დაკრძალვის ცერემონიის გასაშუქებლად დაახლოებით 300 მედია საშუალებაა აკრედიტებული.
ვატიკანში უსაფრთხოების უპრეცედენტო ზომებია მიღებული.
უსაფრთხოების მიზნით ინტერნეტ სიგნალი ჩახშულია, რის გამოც „ქრონიკის“ გადამღები ჯგუფი ვატიკანიდან ტელეფონით ჩაერთო. წმინდა პეტრეს მოედანი კონტროლდება ციდანაც – ვერტმფრენებისა და დრონების საშუალებით.
საქართველოს პრეზიდენტს დღეს ასევე შესაძლებლობა ექნება რამდენიმე ქვეყნის პირველ პირს გაესაუბროს.
