ექსპერტიზის დასკვნით დადასტურებულია, რომ წერილი დაწერილია ბატონი რიჟვაძის მიერ, – განაცხადა ალექსი ახვლედიანის ადვოკატმა, ლალი აფციაურმა მედიასთან.
ადვოკატის თქმით, მისი დაცვის ქვეშ მყოფმა ხელჩანთა, რომელშიც იარაღი იყო მოთავსებული, რამდენიმე წამით დატოვა არა ღია, არამედ დახურულ სივრცეში.
„ეს არ არის ღია სივრცე, იკეტება კარი და სულ რამდენიმე წამით დატოვა ადამიანმა თავის ხელჩანთა, ხელჩანთაში იყო მოთავსებული ცეცხლსასროლი იარაღი. აბაზანაში შევიდა ხელის დასაბანად და აბაზანაში იმ ჩანთას არ წაიღებდა, ელემენტარულია. ეს თუ ჩაითვლება დაუდევრად შენახვად, ვნახოთ ამ საკითხზე არსებით განხილვაზე ვიმსჯელებთ“, – აცხადებს აფციაური.
თბილისის საქალაქო სასამართლოში ალექსი ახვლედიანის პროცესი გაიმართა. პროკურატურა მას ცეცხლსასროლი იარაღის დაუდევრად შენახვას ედავება.
საქმე ეხება საგარეჯოში მომხდარ შემთხვევას, რა დროსაც აჭარის ავტონომიური რესპუბლიკის მთავრობის ყოფილმა ხელმძღვანელმა თორნიკე რიჟვაძემ ახვლედიანის სახლში, ახვლედიანის კუთვნილი იარაღით თვითდაზიანება მიიყენა.