მოსკოვსა და ვაშინგტონს შორის საიდუმლო კავშირების დამყარების შესახებ ინფორმაცია შეშფოთების საფუძველი არ უნდა გახდეს.
BBC-ის ცნობით, ამის შესახებ ნაციონალური უსაფრთხოების საკითხებში ტრამპის მრჩეველმა ჰერბერტ მაკმასტერმა განაცხადა.
მან აღნიშნა, რომ აშშ-ს სპეციალური კავშირები აქვს ბევრ ქვეყანასთან. ამიტომ, მისივე აზრით, მოსკოვთან ასეთი კავშირის არსებობაში უცნაური არაფერია.
ასე გამოეხმაურა პრეზიდენტ ტრამპის მრჩეველი მედიაში გავრცელებულ ინფორმაციას, რომ დონალდ ტრამპის სიძე ჯარედ კუშნერი მოსკოვთან საიდუმლო კავშირის დამყარებას ცდილობდა. მაკმასტერმა ეს განცხადება იტალიაში, G7-ის ლიდერების სამიტის ფარგლებში გააკეთა.
მედიისთვის ცნობილი გახდა, რომ აშშ-ის პრეზიდენტის დონალდ ტრამპის სიძე და მრჩეველი ჯარედ კუშნერი ამერიკაში რუსეთის ელჩ სერგეი კისლიაკთან თავის კონტაქტებს მალავდა.