ყატარში საკვებ პროდუქტებსა და სასმელ წყალზე დიდი მოთხოვნაა. მოსახლეობა ფიქრობს, რომ ქვეყანასთან რიგი სახელმწიფოების დიპლომატიური კავშირის გაწყვეტის გამო, შესაძლოა პროდუქტები და წყალი დეფიციტური გახდეს.
„მოსახლეობა ახლომდებარე მაღაზიებსა და სუპერმარკეტებს მიაწყდა და მასიურად ყიდულობენ წყალს, კვერცხს, რძეს და ბრინჯს. მაღაზიებიდან პროდუქტები მანქანებით გააქვთ. მაღაზიის დახლები მომენტალურად დაცალიერდა“, – წერს Zawya.
საუდის არაბეთისა და ყატარის საზღვარზე, სხვადასხვა ტვირთით სავსე სატვირთო მანქანებია მობილიზებული, რომლებიც ყატარში შესვლას ვერ ახერხებენ.
არაბულმა ქვეყნებმა ყატარი რეგიონში ტერორიზმისა და დესტაბილიზაციის მხარდაჭერაში დაადანაშაულეს. კერძოდ, ეგვიპტემ განაცხადა, რომ ოფიციალური დოჰა „მუსლიმ ძმებს“ ეხმარება.
კომენტარები