ამერიკის შეერთებული შტატების ვიცე-პრეზიდენტმა მაიკ პენსმა რუსეთი და ირანი ტერორიზმთან გააიგივა. ატლანტიკურ საბჭოში სიტყვით გამოსვლისას პენსმა განაცხადა, რომ საბჭოთა კავშირის დაშლის შემდეგ მსოფლიო არასოდეს ყოფილა ისეთი საშიში, როგორც ახლა. „რუსეთი საერთაშორისო თანამეგობრობის მიერ აღიარებული საზღვრების შეცვლას ცდილობს, ირანი ახლო აღმოსავლეთში დესტაბილიზაციას იწვევს. ამის გამო მსოფლიო ძალზე საშიში გახდა“, – განაცხადა ვიცე-პრეზიდენტმა. მაიკ პენსმა ასევე განაცხადა. რომ აშშ ნატოს იმ პუნქტის ერთგული რჩება, რომლის მიხედვით ალიანსის ერთ წევრზე თავდასხმა ნატოზე თავდასხმას ნიშნავს.
კომენტარები