ნორვეგიელმა ტერორისტმა, ანდერს ბრეივიკმა, სახელი ოფიციალურად შეიცვალა. ამჟამად ქვეყნის რეესტრში ის ჩაწერილია როგორც ფიუტოლფ ჰანსენი (Fjotolf Hansen).
ტერორისტის ადვოკატი ინფორმაციას ადასტურებს, თუმცა არ ასახელებს ბრეივიკის გადაწყვეტილების მიზეზს.
2011 წლის 22 ივლისს, ბრეივიკმა ორი ტერაქტი განახორციელა. თავიდან მან ასაფეთქებელი მოწყობილობა ოსლოს სახელისუფლებო უბანში განათავსა, რის შედეგადაც დაიღუპა 8 ადამიანი. შემდეგ ტერორისტი ნორვეგიის კუნძულ უტოიაზე გადავიდა, სადაც მმართველი პარტიის ახალგაზრდული ბანაკი იყო განთავსებული. კუნძულზე მან 69 ადამიანი დახვრიტა. სასამართლომ მას 21 წლით თავისუფლების აღკვეთა მიუსაჯა – ნორვეგიული კანონით, ეს უმაღლესი სასჯელია, თუმცა სასამართლოს ყოველწლიურად შეუძლია პატიმრობის გახანგრძლივება.
კომენტარები