ბაქოს სიხლოვეს, ადგილობრივი დროით დილის 07:00 სააათზე, ტალახის ვულკანი კეირიაკი ამოიფრქვა. შემთხვევის შედეგად არავინ დაშავებულა.
აზერბაიჯანული მედიის ინფორმაციით, ამოფრქვევა 15 წუთის განმავლობაში გრძელდებოდა. ამოფრქვეული მასა 3,5 ჰექტარ ფართობზე გავრცელდა.
კეირიაკი ბაქოდან 12 კილომეტრშია. მის სიახლოვეს ტალახის რამდენიმე მოქმედი ვულკანი მდებარეობს.
მოვლენას ადგილზე აზერბაიჯანის ეკოლოგიის სამინისტროს წარმომადგენლები სწავლობენ და მის მონიტორინგს ახორციელებენ.
კომენტარები