რუსმა ჰაკერებმა შექმნეს პროგრამა, რომლითაც ამერიკული ქალაქების ენერგოსისტემაში ჩართული კომპიუტერების მუშაობის დარღვევაა შესაძლებელი, – წერს ამერიკული გამოცემა The Washington Post.
ანგარიში კომპანია Dragos-მა მოამზადა, რომელიც ინფორმაციული უსაფრთხოების უზრუნველყოფაზე მუშაობს. საუბარია პროგრამაზე სახელწოდებით CrashOverride, რომელსაც შეუძლია შეუმჩნევლად შეაღწიოს კომპიუტერულ სისტემებში და ისინი რამდენიმე დღით გათიშოს.
კომპანიაში ამტკიცებენ, რომ ეს ვირუსი იყო გამოყენებული რუსების მიერ უკრაინის ენერგოსისტემაზე 2015 წელს მიტანილი იერიშის დროს, როდესაც 225 ათასი ადამიანი დენის გარეშე დარჩა. Dragos- ში მიიჩნევენ, რომ შემდეგი დარტყმა ამერიკულ ქალაქებზე იქნება. რადგან კომპანიის წარმომადგენლების თქმით, რუსი ჰაკერები უკვე წლებია დიდ ინტერესს იჩენენ ამერიკული ენერგოსისტემის მიმართ.