შინაგან საქმეთა სამინისტროს სასაზღვრო პოლიციის თანამშრომლებმა ახალციხის სამმართველოს სასაზღვრო სექტორ „კარწახის“ დასაცავ მონაკვეთზე უცხო ქვეყნის ორი მოქალაქე – 1996 წელს დაბადებული ა.კ. და 1983 წელს დაბადებული დ.ა. საქართველოს სისხლის სამართლის კოდექსის 19-344-ე მუხლის მეორე ნაწილით დააკავეს.
ინფორმაციას საქართველოს სასაზღვრო პოლიცია ავრცელებს.
მათივე ცნობით, გამოძიებით დადგინდა, რომ ა.კ. და დ.ა. სასაზღვრო-საკონტროლო გამტარი პუნქტის გვერდის ავლით, უკანონოდ, ჯგუფურად ცდილობდნენ საქართველოს სახელმწიფო საზღვრის გადაკვეთას. სასამართლოს განაჩენით, მსჯავრდებულების მიმართ დაწყებულია საემიგრაციო პროცედურები ქვეყნიდან გაძევების მიზნით.
კომენტარები