ჩინეთის ძალისხმევამ, მოეგვარებინა მისი მეზობლიდან, ჩრდილოეთ კორეიდან მომდინარე პრობლემები, შედეგი ვერ გამოიღო. ამის შესახებ აშშ–ის პრეზიდენტმა დონალდ ტრამპმა ტვიტერზე დაწერა.
მისი თქმით, ის აფასებს ჩინეთის მცდელობას, დაეხმაროს ამერიკას ჩრდილოეთ კორეის პრობლემის მოგვარებაში და მადლიერია ჩინეთის ლიდერის.
„მე ძალიან ვაფასებ ჩინეთის სახალხო რესპუბლიკისთავმჯდომარის სი ცზინპინის ძალისხმევას, რომელიც ცდილობდა ჩრდილოეთ კორეის საკითხის მოგვარებას. მაგრამ ამან ვერ გამოიღო შედეგი. ყოველი შემთხვევისთვის, მე ვიცი, რომ ჩინეთი ეცადა!“, – დაწერა ტრამპმა.
ოფიციალური ვაშინგტონი განსაკუთრებულ ყურადღებას უთმობს ჩრდილოეთ კორეის პრობლემას. ფხენიანი ბოლო წლების განმავლობაში სულ უფრო ინტენსიურად აწარმოებს ბირთვული ქობინების გადამტანი ბალისტიკური რაკეტების გამოცდას და აშშ–ს ბირთვული დარტყმებით ემუქრება.