დიდი ბრიტანეთის დედოფალ ელისაბედ მეორის ქმარი, ედინბურგის ჰერცოგი პრინცი ფილიპი ინფექციური დაავადების გამო საავადმყოფოში გადაიყვანეს.
BBC-ის ცნობით, ამის შესახებ ბუკინგემის სასახლის მიერ გავრცელებული განცხადებიდან ირკვევა. ამავე განცხადებაში ნათქვამია, რომ პრინცი ფილიპი თავს კარგად გრძნობს.
ედინბურგის ჰერცოგს 10 ივნისს 96 წელი შეუსრულდა.
მაისში ცნობილი გახდა, რომ პრინცი ფილიპი შემოდგომაზე საქმეებს ჩამოცილდება და თავისი საცერემონიო მოვალეობების შესრულებას თავს დაანებებს. დედოფლის მეუღლე ამჟამად 780 ორგანიზაციის და საქველმოქმედო საზოგადოების პრეზიდენტი ან საპატიო წევრია.
ნოემბერში ელისაბედ მეორე და პრინცი ფილიპი ქორწინების 70 წლის იუბილეს აღნიშნავენ.
კომენტარები