შინაგან საქმეთა მინისტრმა, გელა გელაძემ მედიასთან განაცხადა, რომ ქართული პოლიცია ძლიერია და ორიენტირებულია, რომ ქვეყანაში შექმნას უსაფრთხო გარემო.
გეკა გელაძეს კითხვა არასრულწლოვანის საქმეზე დაუსვეს და მინისტრმა აღნიშნა, რომ უწყების რეაგირება იყო დროული. საქმეზე კი გამოძიება გრძელდება.
„ქართული პოლიცია არის ძლიერი, ორიენტირებული, რომ ქვეყანაში შექმნას უსაფრთხო გარემო და უზრუნველყოს მართლწესრიგი. ნამდვილად ცუდი ფაქტი იყო, შსს-მ როგორც კი ამის შესახებ გაიგო, დანაშაული მოხდა თუ არა, რეაგირება მოახდინა. საქართველოს პროკურატურამ გამოძიება დაიწყო, დაკავებულია სამმართველოს უფროსის მოადგილე, გამოძიება გრძელდება“, – აღნიშნა გელა გელაძემ.
საქართველოს პროკურატურამ, სამსახურებრივი უფლებამოსილების გადამეტების ფაქტზე შინაგან საქმეთა სამინისტროს თანამშრომელი დააკავა.