ესპანეთში, მეხანძრეები დონიანას ეროვნული პარკის ტერიტორიაზე ტყის ხანძარს ებრძვიან. როგორც სააგენტო Reuters იტყობინება, შესაძლო საფრთხის გამო, დაახლოებით 2 ათასზე მეტი ადამიანის ევაკუაცია განხორციელდა.
“დაახლოებით 450 ადამიანი ჯერ კიდევ ელოდება საკუთარ სახლში დაბრუნებას, ხოლო 400-ზე მეტი მეხანძრე და სამხედრო ათობით ავტომობილისა და 14 თვითმფრინავის გამოყენებით ხანძრის ჩაქრობას ცდილობს”, – ნათქვამია განცხადებაში.
ხანძრის ჩაქრობას ძლიერი სიცხე ართულებს. ანდალუსიას რეგიონში ჰაერის ტემპერატურა 40 გრადუსს აღწევს. მსხვერპლთა შესახებ ინფორმაცია არ გავრცელებულა.
კომენტარები