რუსულმა მედიამ გამოაქვეყნა რუსეთში ღვინის უმსხვილესი ექსპორტიორების სია, რომლის სათავეში იტალიაა.
იტალიამ 2025 წელს რუსეთში 234,5 მილიონი დოლარის ღირებულების ღვინო გაყიდა. ლატვია გასული წლის მონაცემების მიხედვით რუსეთში ღვინის უმსხვილესი ექსპორტიორების სამეულში შევიდა. მან რუსეთში 120,7 მილიონი დოლარის ღირებულების ღვინო გაყიდა.
აღსანიშნავია, რომ რუსეთში ღვინის გაყიდვით პოლონეთიც არის დაკავებული, რომელიც უმსხვილეს ექსპორტიორთა სიაში მეოთხე ადგილზეა. მან გასულ წელს 80,1 მილიონი დოლარის ღირებულების ღვინო გაყიდა.
რუსეთში ღვინის ექსპორტიორთა ათეულში შევიდნენ პორტუგალია, ჩილე, გერმანია, ესპანეთი და ლიეტუვა.
აღსანიშნავია, რომ ევროკავშირის წევრ ქვეყნებს რუსეთის წინააღმდეგ ეკონომიკური და ფინანსური სანქციები აქვთ შემოღებული. ისინი არაწევრ ქვეყნებს რუსეთთან ვაჭრობის გაწყვეტისკენ მოუწოდებენ.