პოლონეთის ქალაქ მოგილნოში, რკინიგზის სადგურზე ევაკუაცია გამოცხადდა. The sun-ის ცნობით, სამართალდამცველების ვარაუდით, მატარებელზე, რომელიც რეისს ვარშავიდან ბერლინის მიმართულებით ასრულებდა, ასაფეთქებელი მოწყობილობა იყო.
უსაფრთხოების ძალებმა რკინიგზის სადგურის მიმდებარე ტერიტორიაზე მცხოვრები ადამიანების ევაკუაციაც მოახდინეს. დროებით შეჩერდა სარკინიგზო მიმოსვლაც.
ასაფეთქებელი მოწყობილობის შესახებ ცნობა, რკინიგზის სადგურის განყოფილებამ ელექტრონული ფოსტით მიიღო. ადგილზე გამნაღმველები და სპეციალისტები მუშაობენ. მობილიზებულია პოლიციის გაძლიერებული შემადგენლობაც.
კომენტარები