ირანის საგარეო საქმეთა სამინისტროს წარმომადგენელმა ოთხშაბათს უარყო აშშ-ის პრეზიდენტის, დონალდ ტრამპის განცხადება იმის შესახებ, თითქოს ირანმა ცეცხლის შეწყვეტა ითხოვა.
„ალ-ჯაზირასთან“ საუბრისას, პრესსპიკერმა ესმაილ ბაღაიმ აღნიშნა, რომ ტრამპის განცხადება სიმართლეს არ შეესაბამება.
მანამდე, ოთხშაბათს, ტრამპმა თავის სოციალურ პლატფორმა Truth Social-ზე დაწერა, რომ ირანმა შეერთებულ შტატებს ცეცხლის შეწყვეტის თხოვნით მიმართა. მანვე დასძინა, რომ ამ მოთხოვნას მხოლოდ მას შემდეგ განიხილავს, რაც ირანი ჰორმუზის სრუტეს გახსნის.
მისივე თქმით, მანამდე აშშ ირანზე თავდასხმებს გააგრძელებს.
კომენტარები