საგარეო ურთიერთობათა საპარლამენტო კომიტეტის თავმჯდომარემ ნიკოლოზ სამხარაძე, რეგიონის ქვეყნების ხელისუფლებები პოლიტიკა შეაფასა და აღნიშნა, რომ სწორედ ამ პოლიტიკის შედეგია კავკასიაში მშვიდობა.
მან რეგიონის ქვეყნებთან ურთიერთობაც შეაფასა და აღნიშნა, რომ საქართველოს დამოუკიდებლობის აღდგენის შემდეგ არასოდეს ჰქონია ასეთი ახლო პოლიტიკური ურთიერთობები თურქეთთან, სომხეთთან და აზერბაიჯანთან.
„თითქმის, ნახევარი მსოფლიო ჩვენს ირგვლივ არის ცეცხლის ალში და კავკასიაში არის მშვიდობა. ეს არის ზუსტად იმ ბრძნული პოლიტიკის დამსახურება, რომელსაც ჩვენ – საქართველო, სომხეთი, აზერბაიჯანი და თურქეთი ერთიანად ვაწარმოებთ. დამოუკიდებლობის აღდგენის დღიდან ჩვენ არასოდეს გვქონია ამაზე უკეთესი და ახლო პოლიტიკური ურთიერთობები არც ერთ ჩვენ მეზობელ ქვეყანასთან – თურქეთთან, სომხეთთან და აზერბაიჯანთან, როგორც გვაქვს დღეს”, – განაცხადა ნიკოლოზ სამხარაძემ.
საქართველოს საპარლამენტო დელეგაცია პარლამენტის თავმჯდომარის ხელმძღვანელობით სტამბოლში იმყოფება, სადაც საპარლამენტთაშორისო კავშირის რიგით 152-ე ასამბლეა მიმდინარეობს. იმართება ორმხრივი შეხვედრებიც.